Početna Senzacija INFO Novosti MAJKA MONSTRUM PRIJAVILA NESTANAK DJETETA, UBRZO USLIJEDIO ŠOK: Mala Elena pronađena zakopana...

MAJKA MONSTRUM PRIJAVILA NESTANAK DJETETA, UBRZO USLIJEDIO ŠOK: Mala Elena pronađena zakopana i izbodena

Majka je ubrzo priznala da je ona ubila djevojčicu.

Elena del Poco (4) sa Sicilije, pronađena je mrtva prošle sedmice na Siciliji, dan nakon što je njena majka Martina prijavila da su djevojčicu otela trojica naoružanih muškaraca.

Tijelo devojčice sa ubodnim ranama, pronađeno je zakopano nedaleko od njene porodične kuće, a ubrzo je majka uhapšena zbog sumnje da je počinila ovaj stravičan zločin.

Obdukcija je pokazala da je dijete zadobilo 11 ubodnih rana kuhinjskim nožem, od kojih je jedna bila fatalna. Prema nezvaničnim informacijama, djevojčica je bila ubačena u plastičnu kesu dok je još bila živa, a potom zakopana.

Martina je policiji satima nakon zločina prijavila otmicu kćerkice, a policija je danas u njenom domu u Kataniji pronašla tragove krvi na jednoj od haljina. Vjeruje se da je Martina upravo tu haljinu nosila kada je ubila dijete. Ipak, policija još sa sigurnošću ne može da potvrdi da li je dijete ubijeno u kući pa odnijeto do polja i tu zakopano ili je dijete izbodeno kada su već bili napolju.

Nestanak djeteta prijavljen je 13. juna, a vjeruje se da je dijete ubijeno noć prije. Kobnog dana je Martina Eleni spremila puding, koji nije bio do kraja ni pojeden, a potom ju je namamila da izađe napolje da joj “mama pokaže mjesto gdje je volela da ide kao djevojčica”. Potom ju je svirepo ubila.

Motiv jezivog zločina još nije poznat, ali se sumnja da je u pitanju ljubomora.

Naime, Martina je Elenu rodila sa samo 18 godina, sa tadašnjim dečkom Aleksandrom. Njih dvoje su se ubrzo razišli, a Martina je otišla za Njemačku i nedavno se vratila na Siciliju. Tada je saznala da je Aleksandro u dugoj vezi.

Ona i bivši su se dogovorili da može češće da viđa kćerku, a tim posjetama je prisustvovala i njegova nova djevojka, koju je mala Elena navodno zavoljela, što je ljutilo Martinu. Sumnja se da je dijete u naletu ljubomore krvnički izbola, ubacila u kesu i zakopala dok je dijete još davalo znake života.

Majci je određen pritvor, a smještena je u posebnu ćeliju gdje se motri na nju 24 sata, jer se strahuje da bi mogla da pokuša sebi da oduzme život, piše Srbija danas.

haber.ba