data-nosnippet>
Aca Lukas otkrio je da je njegova bivša supruga, Sonja Vuksanović, prodala kuću koju joj je ostavio nakon razvoda, svom prijatelju. Nakon njegovih izjava, oglasila se i sama Sonja.
Naime, Lukas je naveo da je kuću vrijednu skoro milion eura nakon razvoda ostavio bivšoj supruzi, koja ju je potom prodala njegovom dugogodišnjem poznaniku, ne obavijestivši ga o tome.
“On mene već 10 godina izvlači sa nekim pričama, ali to je za mene davna prošlost i glupost. Ne bih, kao ni do sada, komentarisala ništa što je on rekao,” poručila je Sonja kroz osmijeh.
Podsjetimo, Lukas je nakon mnogo godina progovorio o detaljima razvoda i podjele imovine.
“Kad sam se razveo sa poslednjom suprugom, ostavio sam joj kuću. Tu sada živi moje dijete. Kuća koja vrijedi skoro milion eura! Ja sam ostao u stanu. Sve sam ja to potpisao, nema tu šta… Takav sam čovjek. To više nije bila moja kuća, već kuća moje žene, i ona može sa njom raditi šta hoće. Međutim, desila se druga stvar. Ona je kuću prodala i kupila stan. Rekla mi je da će prodati kuću i kupiti stan… Rekao sam okej, ako vam tako odgovara… Ali, ko kupuje kuću? Marko! Da, Marko!” – rekao je Lukas.
Inače, u svojoj autobiografiji “Ovo sam ja”, Lukas je naveo i da ga je Sonja prevarila, što je dodatno zakomplikovalo njihov odnos.
